TEMI.mk

RK Vardar 1961

‼‼ СООПШТЕНИЕ ЗА ЈАВНОСТ
Ракометниот клуб Вардар секогаш бил за спортски ферплеј и за победа на ракометот, без разлика дали победувал или бил победен. За нас најважно е самите да извлечеме поуки од грешките и пропустите, и да ги исправиме, без притоа да гледаме во туѓиот двор и да бараме алиби за евентуалните слаби игри и резултати.
Така ќе биде и во иднина, и веруваме дека и сите наши ривали ќе се однесуваат на ист начин. Особено сме изненадени од однесувањето на официјалните лица на нашиот градски ривал Алкалоид чии претставници после одиграниот меч во СЦ „Јане Сандански“ во записникот најавија жалба за материјална повреда која влијае на исходот на резултатот.
Вардар победи убедливо со 34-26 прикажувајќи одлична и убедлива игра, и во текот на целиот меч водеше, што само покажува дека во ниту еден момент ривалот немаше шанса да се приближи резултатски, и доминиравме. Тој меч Вардар го одигра мастрално и немаше никаква материјална повреда која влиајеше на резултатот.
Мораме да потенцираме дека сме особено разочарани што после ваков триумф над Алкалоид, нашите соседи се обидуваат да ја омаловажат нашата победа, и да бараат најразлични банални причини за својот пораз. На мечот Вардар имаше повеќе исклучени играчи и беа досудени повеќе пенали против нас, за разлика од нашиот противник, кој сега си бара оправдување.
Свесни сме дека овој период од сезоната е многу важен, и секој бара алиби за сопствените порази, но тоа не треба да се бара на начин со кој се омаловажуваат другите. Секој треба да си ги бара грешките во сопствените редови.
Не сакаме да се навраќаме на она што било во минатото, но сигурни сме дека многумина ќе се сетат каков третман имаа одредени клубови, и редно време е веќе ракометот да биде спорт во кој ќе победи подобриот, а не оној што ќе направи поголем притисок. Ракометот е нашата заедничка гордост и треба да го браниме од оние што се во него поради лични интереси.
Новото раководство на РФМ има шанса и треба истата да ја искористи, да не дозволи поедини клубови да вршат притисоци и да се обидуваат на тој начин да ги остваруваат своите цели.

Повеќе на https://rkvardar.com.mk/soopshtenie-za-javnost-3/

RK Vardar 1961

Натпреварот меѓу Вардар и Струга почна со минута молк за настраданите во Кочани, а играчите на загревањето пред мечот носеа посебно дизајнирани маички, и мечот го играат во спортска гарнитура со темна боја. 🙏🙏🙏

RK Vardar 1961

‼️ На денешниот натпревар против екипата на Струга, нашата екипа ќе настапи во спортска гарнитура во темна боја, и натпреварот ќе започне со едноминутно молчење во знак на почит на жртвите во пожарот во Кочани.
🏆 Првенство на Македонија 🇲🇰, 22 КОЛО 🤾,
👉 ВАРДАР vs Струга
🗓 25.03.2025
⏰ 17 часот
🏟️ СЦ „Јане Сандански“ - мала сала
ВЛЕЗ СЛОБОДЕН

RK Vardar 1961

‼️ Полјакот Марек Марцинијак е нов член на Вардар 🤾‍♂️ 🇵🇱

Од следната натпреварувачка сезона нов член на Вардар ќе биде полскиот репрезентативец Марек Марчинијак (29). Тој игра на позиција десен бек/десно крило и потпиша двегодишен договор со клубот, до 2027 година. ❤️🖤

Марцинијак во моментов е член на Азоти Пулави, а претходно има настапувано и за екипите на Жуково, Вибжеже Гдањск и Заглебје Лублин. Ова ќе биде негово прво интернационално искуство.

Марцинијак настапи и на последното СП 2025, и на седум средби постигна 13 гола за Полска. Настапуваше и на последните две квалификациски средби за пласман на ЕП 2026 против Португалија, каде постигна шест гола.

Сезонава во дресот на Азоти Пулави настапи на 23 натпревари од полското првенство, и има 71 погодок од 118 обиди, со 60% на успешност.

Марцинијак ќе биде третиот Полјак што ќе го носи дресот на Вардар, по Патрик Валчак и Јан Чувара кои исто така претходните сезони беа дел од клубот.

RK Vardar 1961

Длабоко сочувство до семејствата на трагично починатите во пожарот во Кочани. Нашите мисли и молитви се со семејствата и блиските на настраданите и повредените. 🙏🙏🙏

RK Vardar 1961

Дојде во Вардар ♥️🖤, играше, освои се што можеше, и влезе во легендите. 💪💪💪
Ти благодариме што девет сезони беше дел од клубот и заедно се радувавме на сите успеси. Те чекаме во Скопје и заедно да прославиме.🇲🇰🏆
Ќе останеш секогаш нашиот спортски херој.

#edenzivotednaljubov #timurdibirov #legenda #rkvardar1961

RK Vardar 1961

Ракометниот клуб Вардар е првиот спортски колектив што се приклучува на кампањата „Спортистите на браникот на хуманоста“ и како дел од истата во салата во СЦ „Јане Сандански“ се реализираше крводарителска акција ‼️

Членовите на управата на клубот, стручниот штаб, дел од играчите на Вардар, и дел од нашите навивачи се одзваа на повикот и ја покажаа хуманоста и свеста доброволно да се дарува крв. Како клуб сакаме да придонесме за подигнување на свеста за доброволното дарување крв 🅰️🅱️🆎🅾️ и зголемување на бројот на крводарители, особено меѓу младите.

Кампањата се одвива во организација на Институтот за трансфузиона медицина, а на истата беше и Борко Ристовски, Министерот за Спорт и Садије Шанини, Заменик Министер за спорт.

Веруваме дека ова ќе биде мотив и другите клубови да се приклучат на кампањата.

Даруваме 🩸 спасуваме животи!

#ЕденЖивотЕднаЉубов #rkvardar1961 #rkvardar #kempa @kempa_de

RK Vardar 1961

ЧЕСТИТ БОЖИЌ

RK Vardar 1961

СООПШТЕНИЕ ОД МИХАЈЛО МИХАЈЛОВСКИ, ПРЕТСЕДАТЕЛОТ НА РК ВАРДАР 1961

Почитувани навивачи на Вардар, поддржувачи, спонзори и сите оние на кои „црвено-црната“ боја им значи нешто.
Вардар отсекогаш имал цел високи цели, се борел за титули, за висок пласман, и така ќе биде и во иднина. Горди сме што и покриј сите пречки кои стојат на патот на успехот, во изминатите години, па и сега, успеавме да го стабилизираме клубот, и да направиме чекори со кои повторно се враќаме на местото каде заслужуваме да бидеме.
Благодарни сме им на сите кои го поддржуваат клубот, на сите спонзори кои веруваат во Вардар. На добар пат сме клубот целосно финансиски да се консолидира, во многу брзо време, и сакам да упатам благодарност и до Министерот за спорт, Борко Ристовски кој првпат обезбеди средства за клубовите кои играат во Европа.
На тој пат до големи успеси секогаш ќе има ситуации кои треба да се решаваат, и понекогаш да бидат и „болни“. Пријателствата остануваат пријателства, но во професионализмот најголемо мерило се резултатите. Затоа сметаме дека во овој момент треба нешто да се смени и кај нас. Потребна е промена која ќе донесе нов сила, нов мотив за докажување, и на крајот и резултати.

ПОВЕЌЕ НА - https://rkvardar.com.mk/soopshtenie-za-javnost-2/

RK Vardar 1961

Вардар на турнирот „Крсте Андоновски“ во Охрид 🥅
Нашата екипа од утре до сабота ќе настапи на 3. издание на меѓународниот ракометен турнир „Крсте Андоновски“. 🤾 Вардар е во група со домаќинот Охрид, и екипите на Охрид и Целје.
На 20 август Вардар ќе игра со Охрид, на 21 август се среќаваме со Партизан и на 23 август играме со Целје.
Во сабота се предвидени мечевите за пласман.
Во другата група на турнирот се екипите на Алкалоид, Динамо Панчево, Ловќен и Олимпијакос.

#rkvardar1961 #rkvardar #hcvardar1961 #rakomet #tournament #turnirohrid @kempa_de